Sevgi nədir bilirsənmi ey insan?
Sevgi üçün xəlq olunubdur cahan.
Sevgi həm sevincdir, həm də kədərdir.
Sevgi müqəddəsdir ali dəyərdir.
Sevgi şirinlikdir, həm də acıdır.
Sevgi hər bir insanın möhtacıdır.
Sevgi həm gecədir, həm də səhərdir.
Sevgi bal dadıdır, həmi zəhərdir.
Sevgi bəladır, qorxudur, xətərdir.
Sevgi həm acizlik, həm də hünərdir.
Sevgi məhəbbətdir, eşqdir, sevdadır.
Sevgi zülm, cəfa, qanlı səhradır.
Sevgi nifrət, küdurət, həm də kindir.
Sevgi xoş rəftardır, səbr, təmkindir.
Sevgi vacibdir, savabdır, mübahdır.
Sevgi haramdır, məkruhdur, günahdır.
Sevgi dostdur, aşinadır, vətəndir.
Sevgi əğyardır, şeytandır, düşməndır.
Sevgi barədə indi sualım var.
Sevgi nə deməkdir axı insanlar?
4 Avqust 2004, Berlin.
