Leyli aşiq tapacaq Məcnun olsa, olmasa da.
İndi əsas paradu məftun olsa, olmasa da.
İndiki zamanda aşiq də baxır pul-paraya,
Fərqi yoxdur cananı meymun olsa, olmasa da.
Soyunub sərgiləyir hər nəyi var əynində,
Altdan-üstdən açılır çovğun olsa, olmasa da.
Gərək Avropadan mədəniyyət idxal eləyək,
Baxmayaq ənənəyə uyğun olsa, olmasa da.
Hər istədiyni edir kimsə qarşı çıxmır ona,
Fərq eyləmir istəyir qanun olsa, olmasa da.
Yaltağlıq eyləyərək hər vəzifəyə ucalıb,
Yenə yaltağlıq edir sabun olsa, olmasa da.
Gələcəyimiz əmin əllərdə deyil ay camaat,
Çoxu atestat alır məzun olsa, olmasa da.
O uca Allaha xatir yaziram Həqq sözü mən,
Xalqımız Müntəzirə vurğun olsa, olmasa da.
23 Aprel 2004, İsveç
