Xalqım acınnan çörək duznan gəzir,
Vəkillərsə toxdu, "cız-bıznan" gəzir.
Evdə donmuşuq qazımız gəlməyir,
Ona gorə də xəlqimiz buznan gəzir.
Əsgərliyə getmir kişinin oğlu,
Xarici maşınlarda qıznan gəzir.
„Rus xoruzu“ dolub Badi-Kubəmə,
Vətən oğlu milli xoruznan gəzir.
Xalqın haqqı yoxdur mitinq etməyə,
Polislərim əldə qopuznan gəzir.
Hər sənətkar gəzir öz alətiylə,
Qələm əhli olan kağıznan gəzir.
Vaxt keçəcəkdir gələcək İmamım,
İsa Məsih Padşahımıznan gəzir.
Həbib çəkinməyir haqqı söyləyir,
Həqiqi söz onda ağıznan gəzir.
19 Mart 2000, Bakı.
