O qədər səbr elədik çürük səbir iysi gəlir,
Səbirə çatmır ömür çünki qəbir iysi gəlir.
Bakıda villaları görən diyir xalq dolanır,
Qabağınnan keçəndə sən öl nazir iysi gəlir.
Dini xadimlərimin çoxsu süni xadim olub,
Nəzər eyləsək əməllərnə kafir iysi gəlir.
Bizlərdə dubinka polisin „çörək ağacıdır“,
Polis maşınınnansa „qutulu nəzir“ iysi gəlir.
Xalqa zülm eyləmisən,səndə ölüm gözlənilir,
Qulağunnan halvanın,yağlı xəmir iysi gəlir.
Demokratik ölkəmiz padşahlıq sistemnə keçir,
Deyilir şah gedəcək,yerinə vəzir iysi gəlir.
Zəmanə çox dəyişib bu dünyanın axırıdır,
Diyəsən çox az qalıb çünki „Əmir“ iysi gəlir.
Həbib hələ hey yazırsan görürəm şeyri,qəzəl
Nəsə sənnən şübhələnmişəm şair iysi gəlir.
16 iyul 2003, Berlin.
