Xalqı candan usandırdı,
İqtidar heç usanmazmı?
Millətim öldü acından,
Vəkillər bunu qanmazmı?
Nazir soymağa tələsir,
Başları pambığla kəsir,
Qız gəlinlər düşüb əsir,
Vətən oğlu utanmazmı?
Gecə gündüz yeri səngər,
Qara cörək yeyir əsgər,
Vəkillər yesələr məgər,
Ürəkləri bulanmazmı?
Millət öz dinindən dönür,
Bu açıq-aşkar görünür,
Evlərdə işığlar sönür,
Kafe barlarda yanmazmı?
Qıyıbdır vətəndaşına,
Baxmır bacı-qardaşına,
Dubinka vurur başına,
Onu qardaşı sanmazmı?
Qurtardı şeytan oyunu,
Çatıbdır dünyanın sonu,
Bütün aləm gözlər Onu,
Buna insan inanmazmı?
Xalqı Allah da oyadır,
Rəsulullah da oyadır,
Həbibullah da oyadır,
Yatan xalqım oyanmazmı?
12 may 2000, Bakı.
